Main aaj kuch tasveerein dekh rahi thi
Videsh ki
Sab alag dhalag
Sab naya naya
Achhi lag rahi thi
Man mein kuch ehsaas jaga
Kash main bhi ghoom aati
Mazaa hi kuch aur hota
Kaash main bhi kabhi
Har desh ghoom aaun
Kahin ek cup coffee
To kahin Chinese chakh aaun
Bohat saari tasveerein
Aur kaafi saari shopping
Kuch nanhi si
Souveniers le aaun
Magar usse bhi zyada
Vo ehsaas ji aaun
Kuch akelepan ka
To kabhi kuch naye dost bana aaun…
Fir kayi saare blogs likhun
Pictures post karun
Dosto se baatein karun
Kahaaniyan bataun
Socha.. ab ye sab hoga kaise?
Na mere paas koi invitation hai
Na khaas abhi mauka..
Chalo…ek baat to clear hai…
Man mein khaab ko zinda rakhna zaruri hai…
So maine socha
Mere dost ke kheechi hui
Kuch Chicago ki tasveerein
desktop pe laga deti hun
Unhe dekh dekh kar…
Mere man bhi ichha bani rahegi…
...
karne bhi lagi ..
achanak man mein ek aahat si hui..
…
Muhje pata tha
Main kya kar rahi thi
Kaunsi picture replace kar rahi thi…
…
Par…
Maine Chicago ki ek tasveer
Set kar di…
Apne khaabon ki ek jhalak ko
paste kar di
apne umango ke gumsum se
taraane ko
…
Sab kar diya…
Par ..
fir Achanak...
Ek najayaz lamhe mein…
Type writer ke
ek button pe
Maine ungli de maari
Aur scroll karte karte
Vo ungli
Achanak tham gayi…
Bhala kyun…?
dekha to paya
Ki mere aankhon ke saamne
Ek tasveer aa tik gayi thi
ek puraani si
Pehchaani si
Vo na mere dost ke camere se khichi thi
na Chicago ki badi badi imaartein thi
Na chaka chowndh karne vali
Lightein bharee padee thi
Na door kisi desh ki
Ek jhaanki thi
Na aasmaan ki bulandiyaan ka nishaan tha
Na mere paas aaj tak..
us jheel ka naam hai
...
vo.. vo tasveer thi
jo kisi puraane
electronic khat mein
tumne mujhe forward ki thi…
..
na na..
usme tum nahi..
tumhara chehra nahi
bas tumhari nazar…
us jheel par..
kinaare pe un cottages par…
lambe lambe ped
aur door peeche
ek badaaaa sa pahaad…
aur uspe chote chote ghar!
…
vo.. vo tasveer thi
jise kayi baar
maine
chup chaap
tumhe bataye bina…
aur duniya se chupa chupaa kar
ek naadani ki adaa se
..
Kabhi baarish ki
kalkalahat ko sun
To kabhi sardi
ki kadkadati thand mein
Kabhi kadi dhoop mein
Chaanv ke aasha mein..
Na jaane kya kya soch
Maine lagayi thi use
Apne desktop par…
..
Tumhari vo tasveer..
Us jheel ke kinaare
..
Aaj fir ..
dekhte hi
Dil mein utar gayi
Kahin kone mein ja
bas gayi
aaj fir..
..
mere desktop par …
tumhari vahi tasveer hai…
